Besimtarët e krishterë ortodoksë në mbarë botën kanë kremtuar Pashkët, ditën më të shenjtë në kalendarin ortodoks. Në këtë ditë, ortodoksët festojnë ringjalljen e Krishtit. Shërbesa për Pashkët u mbajtën edhe në Gazë, ku Izraeli që nga tetori po lufton kundër Hamasit, grupit palestinez të shpallur organizatë terroriste nga Shtetet e Bashkuara dhe Bashkimi Evropian, si dhe në Rusi dhe Ukrainë, dy shtete që janë në luftë që nga viti 2022.
Besimtarët ortodoksë kremtojnë Pashkët
Kreu i Kishës Ortodokse Ruse, patriarku Kirill, duke udhëhequr meshën e Pashkëve në Katedralen e Krishtit Shpëtimtar në Moskë më 5 maj 2024. Rusia është shteti me popullsinë ortodokse më të madhe në botë.
Një prift shpërkatë me ujin e shenjtë besimtarët gjatë shërbesës për pashkët në Manastirin Peçersk Lavra në Kiev më 5 maj 2024. Kisha Ortodokse e Ukrainës u nda nga ajo ruse më 2019.
Një besimtar ortodoks merr pjesë në shërbesën e mesnatës për Pashkët në Manastirin e Shën Jovan Bigorskit në Mavrov të Maqedonisë së Veriut. Kisha Ortodokse Maqedonase kremton Pashkët në bazë të kalendarit julian.
Besimtarët ortodoksë marrin pjesë në liturgjinë për Pashkët në Kishën e Shën Savës në Beograd të Serbisë më 5 maj 2024.
Kreu i Kishës Ortodokse Serbe, Patriarku Porfirije, duke udhëhequr meshën e Pashkëve në Kishën e Shën Savës në Beograd më 5 maj 2024.
Kryepeshkopi i Patriarkanës Ortodokse Greke, Alexios merr pjesë në meshën e Pashkëve ortodokse në Kishën ortodokse greke të Shën Porfirit në Qytetin e Gazës më 5 maj, teksa po vazhdon lufta mes Izraelit dhe Hamasit, grupit palestinez të shpallur organizatë terroriste nga Shtetet e Bashkuara dhe Bashkimi Evropian.
Një grua mban në duar një qiri gjatë meshës së Pashkëve në Mosul të Irakut.
Pelegrinët ortodoksë etiopianë ndezin qirinj gjatë ceremonisë që njihet si "Zjarri i Shenjtë" në Manastirin Deir al-Sultan, në çatinë e Kishës së Varrit të Shenjtë në Qytetin e Vjetër të Jerusalemit, në vigjilje të Pashkëve më 4 maj 2024.
Etiopianët ortodoksë gjatë ceremonisë së "Zjarrit të Shenjtë" në Jerusalem.
Një prift ortodoks mban në duar një kryq gjatë meshës së Pashkëve në Kishën e Shën Marisë në Mosul të Irakut më 5 maj 2024.
Besimtarët ortodoksë duke kremtuar Pashkët në Manastirin e Shën Jovan Bigorskit në Mavrov, që gjendet 115 kilometra në perëndim të kryeqytetit maqedonas, Shkup.
Rumunët-armenë marrin pjesë në shërbesën e Pashkëve në një kishë armene në Bukuresht më 4 maj 2024.
Etiopianët ortodoksë gjatë meshës së mbajtur në vigjilje të Pashkëve në një kishë në rajonin Tigraj të Etiopisë më 4 maj 2024.
Besimtarët kanë përgatitur ëmbëlsira tradicionale për Pashkët dhe vezët dhe i kanë sjellë ato në një Kishë në Omsk të Rusisë që të bekohen nga një prift. 4 maj 2024.
Një ushtar ukrainas mer pjesë në shërbesën për Pashkët ortodokse në Kostiantjnivka, në rajonin lindor ukrainas të Donjeckut, teksa lufta mes Rusisë dhe Ukrainës po vazhdon.