Kryeministri i Kosovës, Albin Kurti bisedoi të shtunën me të dërguarin e posaçëm të Bashkimit Evropian për dialogun, Mirosllav Lajçak, për hapat e ardhshëm në dialogun me Serbinë.
Kryeministri Kurti tha se Qeveria që ai udhëheqë mbështetë dhe është e angazhuar në procesin e dialogut me Serbinë, që ndërmjetësohet nga Bashkimi Evropian.
Sipas njoftimit të kryeministrisë, Kurti tha se është "për dialog parimor e të balancuar nga i cili duhet të përfitojnë qytetarët e të dyja vendeve, nëpërmjet një marrëveshjeje të qëndrueshme dhe të zbatueshme, që në qendër ka njohjen reciproke”.
Ai po ashtu theksoi se Kosova është e vendosur "që integriteti territorial, sovraniteti, funksionimi shtetëror, kushtetutshmëria dhe ligjshmëria, të ngelen të pacenuara".
Ndërkaq, Lajçak tha se takimi i tyre, që është mbajtur në margjinat e Konferencës së Sigurisë së Mynihut, ka qenë i detajuar dhe konkret “për hapat e ardhshëm të dialogut për normalizimin me Serbinë”.
Glad to start my day by meeting with Kosovo’s PM @albinkurti at #MSC2022, where we first met two years ago. We had a detailed and concrete discussion on next steps in the Dialogue on normalisation with Serbia ahead of Tuesday’s meetings with the Chief negotiators of both Parties. pic.twitter.com/hnIWxyhkBS
— Miroslav Lajčák (@MiroslavLajcak) February 19, 2022
Takimi ndërmjet Kurtit dhe Lajçakut u mbajt para takimit të paralajmëruar të 22 shkurtit në nivel të krenegociatorëve të Kosovës dhe Serbisë.
Kryeministri i Kosovës, Albin Kurti, dhe presidenti i Serbisë, Aleksandar Vuçiq, si bartës të dialogut, nuk janë takuar që nga korriku i vitit 2021.
Ngecjen në bisedime besohet se e kanë shkaktuar mospajtimet për Asociacionin e komunave me shumicë serbe në Kosovë.
Lexoni edhe këtë:
Escobar: Nga Kosova presim angazhim në dialog dhe kompromisA është shndërruar Asociacioni në kompromis?Në vitin 2013, dy vendet kanë arritur marrëveshje për themelimin e këtij asociacioni, por zbatimi i saj ka ngecur.
Kryeministri Kurti thotë se në Kosovë nuk mund të ketë asociacion njëetnik.
Serbia, në anën tjetër, insiston në formimin e tij.