Sot në Prishtinë ka arritur kryeministri i Shqipërisë, Sali Berisha në një vizitë treditëshe që është vizita e parë zyrtare e tij në Kosovë. Pas homazheve që ka bërë te varri i presidentit të ndjerë Ibrahim Rugova, ai ka takuar drejtues të Institucioneve të Kosovës dhe të administratës ndërkombëtare. Kryeministri Berisha në fjalimin drejtuar deputetëve të Kuvendit të Kosovës ka bërë thirrje për rrespektimin e të drejtave të pakicave si dhe ka shprehur mbështjetjen për pavarësinë e Kosovës. Me një ceremoni të organizuar kryeministri Berisha u shpall qytetar nderi i Prishtinës.
