Kryeministri I Malit të Zi, Millo Gjukanoviç, ka thënë sot se do të japë dorëheqjen dhe se do të thërrasë zgjedhjet e jashtëzakonshme parlamentare, nëse në referendumin për pavarësinë e Malit të Zi, nuk votojnë 55 për qind e votuesve, aq sa është e nevojshme për ta bërë referendumin të suksesshëm. Ai i bëri këto komente gjatë një interviste për agjencinë Reuters, në Zagreb. Gjukanoviç theksoi ndërkaq se dështimi I referendumit do të nënkuptonte edhe dështimin e opsionit të tij.
