Presidenti i Shteteve të Bashkuara, George Bush, do të vizitojë sot shtetin Tenessee, njërin nga katër shtetet e jugut të goditura nga tornadoja, që la rreth 60 të vdekur. Vetëm në Tenesee vdiqën më shumë se 30 njerëz nga stuhitë e forta që shkatërruan shtëpi dhe shkaktuan dëme materiale prej dhjetra milionë dollarësh. Tornadot vdekjeprurëse përfshinë edhe shtetet Alabama, Arkansas dhe Kentucky.
