Në një raport të ri të Instutit Ndërkombëtar për Studime Strategjike me seli në Londër, thuhet se Afganistani rrezikon të bëhet një shtet i dështuar nëse forcat e NATO-s nuk u shkaktojnë disfatë kryengritësve talibanë. Mëtutje në raport thuhet se kryengritësit talibanë po e nxisin ekstremizmin islamik në mbarë botën. Njëherësh, Banka Botërore dhe Departamenti britanik për zhvillim ndërkombëtar thanë se bota duhet të investoj më se dy miliardë dollarë për zhvillimin e Afganistanit për ta luftuar kultivimin e drogave.
