Presidenti i Rumanisë, Traian Basescu ka kërkuar nga aletatë e NATO-s, që të përmbahen nga inkurajimi i planeve të Kosovës për shpalljen e pavarësisë, duke thënë se duhet më tepër kohë për arritjen e marrëveshjes. "Le t'ju japim atyre një rast plotësues për negociata për statusin e Kosovës", tha zoti Basescu. Ai tërhoqi vërejtjen se shpallja e pavarësisë pa marrëveshje me Serbinë ose pa mbështetjen e plotë të Kombeve të Bashkuara do të ishte shkelje e së drejtës ndërkombëtare dhe do të paraqiste precedent.
