Presidenti i Pakistanit, Pervez Musharaf, ka përjashtuar mundësinë e zhvillimit të hetimeve nga ana e Kombeve të Bashkuara, për vrasjen e ish-kryeministres pakistaneze, Benazir Bhutto, muajin e kaluar. Në një intervistë për gazetën franceze Le Figaro, Musharaf tha se hetimet lidhur me vrasjes e zonjës Bhutto, do të bëhen nga hetuesit pakistanezë me ndihmën nga policia britanike. Ai tha se rezultatet e hetimit pritet të shpallen para zgjedhjeve parlamentare në muajin shkurt. Familjarët dhe mbështetësit e Benazir Bhuttos kanë kërkuar që Kombet e Bashkuara të zhvillojnë hetime lidhur me dyshimet për involvimin e zyrtarëve në vrasjen e saj.
