Kryeministri britanik, Gordon Brown, thotë se ai parasheh turbulencë globale financiare gjatë vitit të ardhshëm. Në mesazhin e tij për Vitin e Ri, zoti Brown thotë se problemet globale me kredi, që filluan në Shtetet e Bashkuara gjatë vitit 2007, tash janë sfidë e menjëhershme për cilëndo ekonomi. Ai premtoi se do ta mbajë shkallën e ulët të interesit dhe të inflacionit dhe do të orientohet kah kursi i stabilitetit nëpër atë që ai e përshkroi si "turbulencë globale financiare" në vitin 2008.
