Kuvendi i Serbisë po diskuton rezolutën me të cilën qeveritarëve të Serbisë u ndalohet që ta pranojnë pavarësinë e Kosovës. Pos kësaj, rezoluta parasheh edhe masa ndëshkuese kundër shteteve perëndimore nëse ato e njohin pavarësinë e Kosovës, përfshirë edhe ndërprerjen e lidhjeve diplomatike me Shtetet e Bashkuara dhe vendet e Bashkimit Evropian. Agjencitë e lajmeve raportojnë se me këtë rezolutë refuzohet ideja për misionin e BE-së në Kosovë.
