Festivali i Gastronomisë në Prishtinë i ka hapur të enjten dyert në sheshin Adem Jashari. Ai do të jetë i hapur deri më 27 korrik. Festivali synon t’i promovojë të gjitha aspektet e kuzhinës dhe traditave të shqiptarëve. “Çdo ditë, Festivali do të sjellë shije unike të shefave vendorë dhe ndërkombëtarë, si dhe performanca muzikore të jashtëzakonshme”, është thënë në njoftimin e këtij viti të festivalit. Natën e parë e ka hapur këngëtari Armend Rexhepagiqi.
Prishtina shijon Festivalin e Gastronomisë
Qytetarët kanë nisur të mblidhen në sheshin Adem Jashari pak para orës 17:00, kur edhe ka nisur festivali zyrtarisht.
Edhe moti ka qenë në favor të festivalit. Nxehtë.
Këtë vit është duke u mbajtur edicioni i tretë i festivalit.
Në publik janë parë të gjitha moshat, qoftë për të shijuar ushqime, qoftë për muzikë.
Dikush ka bërë edhe selfie, pse jo?
Një tjetër e ka fotografuar ambientin.
Udhëheqës të festivalit kanë thënë se mënyra e pagesës për ushqime do te jetë "cashless" apo 'pa para në dorë’. Për t'i kryer blerjet gjatë festivalit, për t'i provuar ushqimet, ju do të duhet të mbushni kartelën tuaj të festivalit në stacionin e rimbushjes.
Fytyra të gëzuara në festival. Po këndon Armend Rexhepagiqi...
Disa menduan edhe për kamerën tonë.
Të tjerë vallëzuan dhe e shijuan mbrëmjen...