Qytetarët rusë në disa qytete, duke përfshirë Moskën, Shën Petersburgun dhe Samaran, kanë dalë sërish në rrugë më 27 shkurt për të protestuar kundër pushtimit rus të Ukrainës.
Demonstruesit marshuan në qendrat e qyteteve, duke brohoritur "Jo luftës".
Sipas OVD-Info, një organizatë jofitimprurëse që monitoron arrestimet e policisë në mbarë vendin, pasditen e 27 shkurtit policia ruse arrestoi 461 qytetarë në 32 qytete për pjesëmarrje në demonstratat kundër luftës.
Arrestohen protestuesit në Rusi
Protestat kundër pushtimit kanë vazhduar për katër ditë radhazi, pavarësisht se policia lëviz me shpejtësi për të arrestuar qindra njerëz çdo ditë.
Në Shën Petersburg, ku dhjetëra qytetarë u mblodhën në qendër të qytetit në mënyrë paqësore, policia me mjete rebelimi kapi protestuesit dhe disa prej tyre i tërhoqi zvarrë në polici.
Aktivistët e të drejtave kanë thënë se nga 24 deri më 26 shkurt, më shumë se 3,000 rusë u arrestuan për protestat, në të cilat kundërshtonin luftën e Rusisë kundër Ukrainës.