Protestuesit në Beograd sulmojnë ndërtesën e parlamentit

Në Beograd të Serbisë policia ka përdorur gaz lotsjellës ndaj protestuesve të cilët kundërshtonin vendosjen e orës policore për shkak të pandemisë. Protestuesit e kaluan kordonin e policisë para hyrjes në ndërtesën e Parlamentit serb. Presidenti i Serbisë, Aleksandar Vuçiq ka thënë se do të vendoset ora policore gjatë fundjavës për shkak të përkeqësimit të situatës epidemiologjike. Menjëherë më pas qindra protestues u mblodhën në qendër të Beogradit duke brohoritur kundër kësaj mase të izolimit. Numri i viktimave nga koronavirusi në Serbi është 330.