Ish-kryeministri i Kosovës, njëherësh kryetar i Aleancës për Ardhmërinë e Kosovës, Ramush Haradinaj, bëri të ditur se subjekti i tij politik do të përkrahë mocionin e mosbesimit për Qeverinë e udhëhequr nga Albin Kurti.
Haradinaj tha se Qeveria u udhëhequr nga Kurti ka qenë më konfliktuozja që ka pasur vendi ndonjëherë, si dhe e akuzoi atë për dezertim.
“Qeveria Kurti e ka hequr taksën dhe e ka hequr më mënyrën më të keqe të mundshme, duke e coptuar vendimin, duke e lënë pa asnjë kredit Kosovën. Në mënyrën më të mirë i ka shërbyer, pra e ka faktorizuar Serbinë, duke lënë Kosovën pa taksë, por edhe pa miq në temat e saj kryesore”, deklaroi Haradinaj.
Haradinaj tha se do t’i presin në ditët në vijim veprimet e LDK-së - parti në koalicionin qeverisës - duke besuar se mocioni i mosbesimit do të votohet brenda pak ditësh.
Këto deklarata, Haradinaj i bëri pas takimit që zhvilloi me kryetarin e LDK-së, Isa Mustafa.
Më shumë në këtë temë: