Presidenti i Kosovës, Hashim Thaçi, përshëndeti, siç tha, vendimin e shqiptarëve nga Lugina e Preshevës për të marrë pjesë në zgjedhjet e rregullta parlamentare në Serbi, me një listë të vetme zgjedhore.
Zgjedhjet në Serbi do të mbahen në vitin 2020.
"Unë e mirëpres marrëveshjen për krijimin e një liste të unifikuar elektorale të partive shqiptare në Luginën e Preshevës, si një mjet i rëndësishëm për fuqizimin politik dhe mbrojtjen e interesave kombëtare. Unë uroj ministrin e Jashtëm shqiptar, Gent Cakaj për mbështetjen që i ka dhënë këtij procesi", ka shkruar Thaçi në rrjetin social Twitter.
I welcome the agreement for creation of a unified electoral list of Albanian parties in #Presheva valley. Important tool for political empowerment & protection of national interests. I also congratulate Acting Foreign Minister of #Albania @CakajGent for supporting this process.
— Hashim Thaçi (@HashimThaciRKS) January 16, 2020
Reagimi i Thaçit pasoi atë të ministrit të Jashtëm në detyrë të Shqipërisë Gent Cakaj,i cili, njoftoi përmes një postimi në Twitter, se drejtuesit e partive politike shqiptare në Luginën e Preshevës kishin vendosur të garonin me një listë të vetme në zgjedhjet në Serbi.
“Ishte nder për të lehtësuar marrëveshjen midis liderëve politikë të Luginës së Preshevë. Ata sot vendosën të krijojnë një listë të unifikuar zgjedhore dhe kështu të iu mundësojnë votuesve tyre të kenë një zë të fuqishëm - dhe të votojnë në zgjedhjet e ardhshme”, ka shkruar Cakaj.
It was a great honor to facilitate the agreement between the wise political leaders of the #Preshevë valley. They today decided to establish a unified electoral list and thus enable their voters achieve a powerful voice - and votes in forthcoming election. Urime! pic.twitter.com/JRzOBRRFZc
— Gent Cakaj (@CakajGent) January 16, 2020
Në zgjedhjet e vitit 2016 pothuajse të gjitha partitë e pakicës shqiptare në Serbi, nuk morën pjesë në garën zgjedhore për shkak të siç kishin deklaruar, pakënaqësisë për qëndrimin e autoriteteve serbe ndaj shqiptarëve në Serbi.
Sidoqoftë, bojkoti nuk ishte i plotë, kështu që Partia për Veprim Demokratik e Riza Halimit mori pjesë në zgjedhje. Midis 250 deputetëve të parlamentit serb, Fatmir Hasani u zgjodh si përfaqësuesi i vetëm shqiptar.
Në zgjedhjet e fundit për Këshillin Kombëtar të Shqiptarëve, një organ që përfaqëson interesat e pakicës kombëtare shqiptare në Serbi, morën pjesë gjashtë lista zgjedhore. Zgjedhjet u mbajtën më 4 nëntor të vitit 2018 dhe Ragmi Mustafa, u zgjodh kryetar i Këshillit Kombëtar.