I dyshuari kryesor për sulmet në Kristçërç të Zelandës së Re nuk e pranoi fajësinë në asnjë akuzë.
Brenton Tarrant - i vetëdeklaruar supremacist i bardhë - akuzohet për vrasjen e 51 personave dhe plagosjen e dhjetëra të tjerëve në dy xhami të Kristçërçit, më 15 mars.
Mbi të rëndon edhe akuza për terrorizëm, e cila bart dënimin maksimal me burgim të përjetshëm.
Duke u paraqitur në seancën e gjyqit, përmes video-lidhjes nga burgu, australiani 28-vjeçar qëndroi i heshtur, ndërsa avokati ia lexoi deklaratën.
Gjykatësi Cameron Mander tha se gjykimi është caktuar për 4 maj të vitit të ardhshëm dhe se Tarrant do të mbetet në paraburgim.
Sulmet në Kristçërç janë përshkruar si të shtënat më vdekjeprurëse masive në Zelandën e Re.
Lexoni edhe këtë: