Shtetet e Bashkuara e uruan Stevo Pendarovskin për fitoren në zgjedhjet presidenciale në Maqedoninë e Veriut.
"SHBA-ja është një partner i fuqishëm i Maqedonisë së Veriut dhe shpresojmë për bashkëpunim me Stevo Pendarovskin dhe me të gjitha partitë politike, në rrugën e Maqedonisë së Veriut për t'u bërë anëtarja e 30-të e NATO-s dhe në rrugën e saj drejt Bashkimit Evropian", thuhet në deklaratën e Departamentit amerikan të Shtetit, të cilën e transmeton shërbimi maqedonas i Radios Evropa e Lirë.
Rrethi i dytë i zgjedhjeve presidenciale në Maqedoninë e Veriut u mbajt të dielën.
Pendarovski, kandidat i partive në pushtet, e fitoi kandidaten e opozitës, Gordana Siljanovska-Davkova, me një epërsi prej rreth 6% të votave.
Atë e uruan për fitoren edhe zyrtarë të lartë të Bashkimit Evropian dhe të NATO-s.
Lexoni edhe këtë: Stevo Pendarovski zgjidhet president i Maqedonisë së Veriut