Kryeministri i Pakistanit, Imran Khan, tha se vendi i tij do të hakmerret nëse India ndërmerr veprime ushtarake kundër tij.
Komentet vijnë pasi dhjetëra ushtarë indianë u vranë javën e kaluar në një sulm vetëvrasës në rajonin e Kashmirit - pjesën e administruar nga India.
Në adresimin televiziv, Khan i bëri thirrje Indisë që të sjellë prova për pretendimet e saj, se Pakistani ka qenë i përfshirë në sulm.
"Çdo veprim i Indisë për të kërcënuar sovranitetin e Pakistanit do të përcillet me hakmarrje të sigurt", tha Khan.
Mbi 40 pjesëtarë të forcës indiane të sigurisë janë vrarë në sulmin e së enjtes.
Jaish-e-Mohammad, grup militant me seli në Pakistan, e ka marrë përgjegjësinë për të.
Sulmi i ka rritur tensionet midis Indisë dhe Pakistanit - dy fuqive bërthamore që kanë bërë dy luftëra për kontrollin e Kashmirit.
Lexoni edhe këtë: Pakistani kërkon ndihmë nga OKB-ja për uljen e tensioneve me Indinë