Bashkimi Evropian reagoi ndaj fjalimit të presidentit të Serbisë, Aleksandar Vuçiq, në Kosovë, gjatë të cilit, Sllobodan Millosheviqin e cilësoi si "udhëheqës të madh, me qëllimet më të mira".
Maja Kocijançiq, zëdhënëse e BE-së e ngarkuar me çështjet e Ballkanit Perëndimor, tha se "nuk guxon të lihet hapësirë për dykuptimësi apo lavdërim" të atyre që kanë mbështetur politikën e Millosheviqit dhe veprimet e tij.
"Vendimet e gjykatave vendase dhe ndërkombëtare në këtë drejtim janë shumë të qarta", tha Kocijançiq.
Ajo theksoi se të gjitha vendet në Ballkanin Perëndimor kanë perspektivë evropiane dhe për këtë arsye "do të duhet të jenë në përputhje me parimet e BE-së, përfshirë pajtimin dhe marrëdhëniet e mira fqinjësore".
Vuçiq ka qëndruar në Kosovë fundjavën e kaluar, ndërsa fjalimin e ka mbajtur në Mitrovicën e Veriut.
Për më shumë, lexoni këtë:
Vuçiq: Nuk e njohim pavarësinë e Kosovës e as nuk kemi plane për luftë