Shefi i grupit të njohur rus për të drejtat e njeriut, Memorial, në zyrën në Çeçeni, Oyub Titiyev, është arrestuar lidhur me akuza për drogë, kanë thënë zyrtarë të Çeçenisë dhe një avokat i grupit memorial.
Një aktivisti tjetër i grupit Memorial, i ka hedhur poshtë këto akuza duke i vlerësuar si absurde.
Grupi Memorial po përpiqet ta zbuloj se ku ndodhet Titiyev, pasi ai nuk ishte paraqitur në një takim dje herët në mëngjes.
Zhdukja e tij i thekson shqetësimet për rreziqet me të cilat ballafaqohen mbrojtësit e të drejtave të njeriut, gazetarët dhe kundërshtarët e liderit të Çeçenisë, Ramzan Kadyrov, i cili mbështetet nga presidenti i Rusisë, Vladimir Putin.
Sipas grupit Memorial, një i njohur e ka parë veturën e Titiyevit duke u ndalur nga policia, pasi ai planifikonte ta takonte zotin Titiyev. Disa orë më vonë ai u njoftua se Titiyev ishte në selinë e policisë në qytetin Kurçaloi.
Kur avokati i tij arrriti në këtë qytet, policia i tha atij se ai nuk është në arrest në këtë qytet.
Grupi Memorial ka shprehur shqetësim dhe ka kërkuar që qeveria e Rusisë të paraqes informacione të detajizuara për vendndodhjen e Titiyevit.