Ministri i Jashtëm në Qeverinë në largim të Kosovës, Enver Hoxhaj ka thënë se presidenti i Serbisë, Aleksandar Vuçiq ka bërë betimin njësoj, sikurse edhe paraardhësit e tij, duke u mbështetur në mite.
“Kosova kurrë nuk do të jetë pjesë e Serbisë. Betimi i Vuçiqit, jo vetëm që është jo i vërtetë dhe i parealizueshëm, por ai dërgon mesazhe negative gjithë rajonit se Serbia edhe më tutje jeton në mite”, ka shkruar Hoxhaj në Twitter.
Vucic sworn in as Serbia%27s new president on same mythical claims as his predecessors. Kosovo never was and never will be part of Serbia. 1/2
— Enver Hoxhaj (@Enver_Hoxhaj) May 31, 2017
Ndërkaq, ambasadorja e Kosovës në Shtetet e Bashkuara të Amerikës, Vlora Çitaku në një reagim rreth betimit të Vuçiqit në postin e presidentit të ri të Serbisë, ka shkruar se fjalimi i Vuçiqit në Kuvendin e Serbisë nuk dallon shumë nga ato të radikalit, Vojisllav Sheshel.
“Gjatë ceremonisë së dhënies së betimit, presidenti i Serbisë ka thënë se do të luftoj që ta ruaj Kosovën si pjesë të Serbisë. Në cilën botë jeton ai?”, ka shkruar Çitaku në Twitter.
Vucic took office of the #President of Serbia .With his speech he demonstrated he has not changed much from the time he was following Sesel. pic.twitter.com/YMZ79hl6rO
— Vlora Çitaku (@vloracitaku) May 31, 2017
Të mërkurën, Aleksandër Vuçiq, ka bërë betimin për president, i përcjell nga protestat opozitare të cilat kundërshtuan inaugurimin e tij.
Ai ka pasuar presidentin në largim, Tomisllav Nikoliq.