Ministri i arsimit në Suedi dëshiron të ndalojë ndarjen e nxënësve sipas gjinisë pasi vitin e kaluar opinioni reagoj i zemëruar ndaj lejes që iu dha një shkolle myslimane për të ndarë djemtë dhe vajzat gjatë orës së edukatës fizike.
Gustav Fridolin sipas Associated Press ka thënë se “nëse ka probleme për të mbajtur djemtë dhe vajzat së bashku, ju duhet të merreni me këtë problem, e jo thjeshtë t’i ndani ata sipas gjinisë”.
Fridolin, pjesëtarë i qeverisë të qendrës së majtë të Suedisë, i ka thënë radios suedeze të shtunën se shumë shkollave “iu është dhënë leja të ndajnë djemtë dhe vajzat për disa vjet” dhe se kjo duhet të ndryshojë.