Fatos Bytyqi, vëllai i Agron, Ylli dhe Mehmet Bytyçit, të vrarë 17 vjet më parë në Serbi, në rrethana të pasqaruara, i akuzoi sot liderët serbë për mbrojtje të vrasësve.
Ai i tha agjencisë Associated Press se kryeministri i Serbisë, Aleksandar Vuçiq, u ka premtuar vazhdimisht zyrtarëve amerikanë se Serbia do të zgjidhë rastin, porse ai ka thyer shumë premtime.
Autoritetet serbe “e dinë se kush e ka kryer krimin, kush e ka urdhëruar. Ato kanë prova dhe kanë dëshmitarë”, tha Bytyçi.
Vëllezërit Bytyçi kanë qenë shtetas amerikanë dhe Uashingtoni ka kërkuar vazhdimisht drejtësi për ta.
Ministri i jashtëm serb, Ivica Daçiq, ka pranuar sot se rasti i ka rënduar marrëdhëniet midis dy vendeve.
Trupat e pajetë të vëllezërve Bytyçi janë gjetur në qershor të vitit 2001 në një varrezë masive në Petrovo Sello në Serbi.