Një gjykatë ndërkombëtare e sportit i ka hapur dyert për më shumë atletë rusë që të marrin pjesë në Lojërat Olimpike të Rios.
Vendimi vetëm pak orë para nisjes së këtyre Lojërave që ceremoninë zyrtare e kanë sot, tani thotë se 271 sportistë nga Rusia mund të marrin pjesë nga 389 atletë që ka pasur ekipi rus në tërësi.
Gjykata e Arbitrazhit për Sport e ka marë këtë vendim duke iu dhënë të drejtën e pjesëmarrjes edhe shumë sportistëve rusë që fillimisht ishin ndaluar të marrin pjesë për shkak të abuzimit me substanca të ndaluara.
Lojërat Olimpike që fillojnë sot do të zgjasin deri më 21 gusht në Rio të Brazilit, ndërsa aty do të marrë pjesë për herë të parë edhe Kosova me tetë sportistë.