Kuvendi i Kosovës miratoi me shumicë të thjeshtë të votave ligjin për parandalimin e pastrimit të parave dhe luftimin e financimit të terrorizmit.
Ligji kaloi në leximin e dytë dhe 58 deputetë votuan për të, e 7 të tjerë abstenuan.
Me miratimin e ligjit, Kosova përmbush edhe një pjesë të legjislacionit të saj që parandalon dhe lufton terrorizmin.
Autoritetet e sigurisë në Kosovë thonë se të paktën 14 organizata joqeveritare u mbyllën më shumë se një vit më parë, me dyshimin e mbështetjes dhe financimit të veprimeve ekstremiste e terroriste të individëve a grupeve të veçanta.
Pak më muaj më parë, në Pejë u arrestua një afarist me dyshimin e financimit të grupeve terroriste.