Kryeministri i Kosovës, Isa Mustafa, ka thënë se Serbia duhet të japë përgjigje për zhdukjen e qytetarëve kosovarë dhe për "krimet monstruoze që forcat ushtarake dhe paramilitare të saj" kanë kryer në Kosovë.
Komentet e Mustafës vijnë në Ditën e Personave të Pagjetur të Luftës.
“Qeveria e Republikës së Kosovës do të shfrytëzojë të gjitha institucionet ndërkombëtare për të kërkuar zbardhjen e të pagjeturve, kthimin e tyre dhe dorën e drejtësisë ndaj kriminelëve”, ka thënë Mustafa përmes një postimi në Facebook.
Sipas shifrave zyrtare, janë mbi 1,600 persona nga Kosova, fati i të cilëve mbetet i pazgjidhur.