Presidentja e Kosovës, Atifete Jahjaga, ka marrrë pjesë në pritjen tradicionale te presidentit amerikan, Barack Obama, për liderët e shteteve pjesëmarrëse në sesionin e rregullt vjetor të Asamblesë së Përgjithshme të Kombeve të Bashkuara, ka njoftuar faqja në Internet e presidencës së Kosovës.
Më herët, presidentja Jahjaga është takuar edhe me presidentin e Sllovakisë, Andrej Kiska, të cilin e njoftoi për progresin që Kosova e ka arritur pas pavarësisë.
Ajo kërkoi nga presidenti Kiska që Sllovakia ta njohë shtetësinë e Kosovës.
Zyrtari i lartë i Sllovakisë theksoi se vendi i tij është i përkushtuar për mbështetjen e integrimit evropian të rajonit të Ballkanit Peërndimor.