Rinia kosovare ballafaqohet me probleme nga më të ndryshmet, thonë zyrtarë qeveritarë në Ditën Ndërkombëtare të të Rinjve.
Genc Prelvukaj, këshilltar politik në Ministrinë e Kulturës, Rinisë dhe Sportit, thotë se shkalla e lartë e papunësisë është një ndër problemet me të cilat ballafaqohet kjo kategori e shoqërisë.
"Rinia ka shumë probleme - mjafton të jesh qytetar i Kosovës dhe të identifikosh një numër të problemeve si: papunësia, migrimi, e shumë të tjera... Nëse i përmend edhe shumë probleme të tjera, nuk kam thënë asgjë të re, sepse të gjithë e dimë se jemi një shoqëri e dalë nga një kohë e vështirë", thotë Prelvukaj.
Sipas tij, për përmirësimin e gjendjes gjithmonë ka vështirësi, ndonëse ekziston vullneti për një gjë të tillë.
Edhe Mensur Morina, kryetar i Këshillit Qendror për Veprim Rinor, thekson një varg problemesh te të rinjtë. Problem kyç, sipas tij, është mospërfaqësimi i rinisë kosovare në pozitat vendimmarrëse.
"Rinia të jetë më e zhurmshme dhe të ketë përfaqësimin e saj, të jetë e informuar për çdo aktivitet", apelon ai.
Arbëresha Bytyqi, nga Prishtina, thotë se komunat e Kosovës duhet të angazhohen për të krijuar më tepër qendra rinore, në mënyrë që, siç thotë ajo, të rinjtë të kenë vend ku mund ta kalojnë kohën e lirë dhe, rrjedhimisht, t'iu shmangen dukurive negative.
Si problem të rinisë, Arbëresha e sheh edhe dhunën në shkolla, përdorimin e substancave narkotike, duhanin e alkoolin.
"Shpresoj se Komuna e Prishtinës do të ndërtojë një qendër rinore. Hapësira më e madhe e një qendre rinore do t'i ndihmojë rinisë të ketë aktivitete më shumë", shprehet ajo.
Bujar Mehmeti, anëtar i Këshillit Qendror për Veprim Rinor, konsideron se niveli i ulët i arsimit dhe shkalla e lartë e papunësisë janë sfidat kryesore të të rinjve. Këto sfida, sipas tij, tregojnë se të rinjtë kosovarë nuk kanë perspektivë.
"I dimë të gjithë vështirësitë e rinisë në Kosovë. Unë mendoj se arsimimi i rinisë nuk është në nivelin e duhur, pastaj papunësia e madhe... në mungesë të vendeve të punës, të rinjtë po marrin rrugët e këqija", thotë Mehmeti.
Sidoqoftë, Genc Prelvukaj, nga Ministria e Kulturës, Rinisë dhe Sportit, thotë se ky institucion po angazhohet vazhdimisht në identifikimin e problemeve te të rinjtë.
Ai thotë se ekziston vullneti i Ministrisë për përmirësimin e kushteve të tyre.
Ligji për fuqizimin e rinisë është miratuar nga Kuvendi i Kosovës. Në Kosovë, 70 për qind e popullatës vlerësohet të jetë më e re se 37 vjeç.
Genc Prelvukaj, këshilltar politik në Ministrinë e Kulturës, Rinisë dhe Sportit, thotë se shkalla e lartë e papunësisë është një ndër problemet me të cilat ballafaqohet kjo kategori e shoqërisë.
"Rinia ka shumë probleme - mjafton të jesh qytetar i Kosovës dhe të identifikosh një numër të problemeve si: papunësia, migrimi, e shumë të tjera... Nëse i përmend edhe shumë probleme të tjera, nuk kam thënë asgjë të re, sepse të gjithë e dimë se jemi një shoqëri e dalë nga një kohë e vështirë", thotë Prelvukaj.
Sipas tij, për përmirësimin e gjendjes gjithmonë ka vështirësi, ndonëse ekziston vullneti për një gjë të tillë.
Edhe Mensur Morina, kryetar i Këshillit Qendror për Veprim Rinor, thekson një varg problemesh te të rinjtë. Problem kyç, sipas tij, është mospërfaqësimi i rinisë kosovare në pozitat vendimmarrëse.
"Rinia të jetë më e zhurmshme dhe të ketë përfaqësimin e saj, të jetë e informuar për çdo aktivitet", apelon ai.
Arbëresha Bytyqi, nga Prishtina, thotë se komunat e Kosovës duhet të angazhohen për të krijuar më tepër qendra rinore, në mënyrë që, siç thotë ajo, të rinjtë të kenë vend ku mund ta kalojnë kohën e lirë dhe, rrjedhimisht, t'iu shmangen dukurive negative.
Si problem të rinisë, Arbëresha e sheh edhe dhunën në shkolla, përdorimin e substancave narkotike, duhanin e alkoolin.
"Shpresoj se Komuna e Prishtinës do të ndërtojë një qendër rinore. Hapësira më e madhe e një qendre rinore do t'i ndihmojë rinisë të ketë aktivitete më shumë", shprehet ajo.
Bujar Mehmeti, anëtar i Këshillit Qendror për Veprim Rinor, konsideron se niveli i ulët i arsimit dhe shkalla e lartë e papunësisë janë sfidat kryesore të të rinjve. Këto sfida, sipas tij, tregojnë se të rinjtë kosovarë nuk kanë perspektivë.
"I dimë të gjithë vështirësitë e rinisë në Kosovë. Unë mendoj se arsimimi i rinisë nuk është në nivelin e duhur, pastaj papunësia e madhe... në mungesë të vendeve të punës, të rinjtë po marrin rrugët e këqija", thotë Mehmeti.
Sidoqoftë, Genc Prelvukaj, nga Ministria e Kulturës, Rinisë dhe Sportit, thotë se ky institucion po angazhohet vazhdimisht në identifikimin e problemeve te të rinjtë.
Ai thotë se ekziston vullneti i Ministrisë për përmirësimin e kushteve të tyre.
Ligji për fuqizimin e rinisë është miratuar nga Kuvendi i Kosovës. Në Kosovë, 70 për qind e popullatës vlerësohet të jetë më e re se 37 vjeç.