Kuvendi i Kosovës ka miratuar propozim strategjinë e Qeverisë për privatizimin e Postë-Telekomit të Kosovës.
Kryeministri Hashim Thaçi tha se nëse nuk votohet strategjia për privatizimin e PTK-së, atëherë do të largohen investitorët e interesuar.
Lidhja Demokratike e Kosovës ka thënë se duhet të shtyhet kjo pikë dhe të analizohet mirë ky proces. Kërkesa e saj u mbështet edhe nga Aleanca për Ardhmërinë e Kosovës, me arsyetimin se duhet të ketë një strategji të vërtetë. Strategjia u kundërshtua edhe nga Lidhja Demokratike e Dardanisë.
Instituti Demokratik i Kosovës ka shprehur dyshime rreth prezencës së mjaftueshme të deputetëve në momentin e votimit të Propozim Strategjisë së Qeverisë për privatizimin e Post-Telekomit të Kosovës.