Presidenti i FIFA-s Sep Blater dhe ai i UEFA-s Mishel Platini kanë dënuar ashpër dhunën e huliganëve serbë në Gjenova gjatë ndeshjes së të martës mes Italisë e Serbisë. Takimi ishte në kuadër të ndeshjeve kualifikuese Euro2012.
“Jam i tronditur nga pamjet e djeshme në ndeshjen Itali-Serbi. Kam shumë kujtime të këqia që lidhen me dhunën në futboll. Pres rezultatet e hetimeve dhe vendimet e trupit disiplinues. Kujtoj se UEFA ka tolerancë zero ndaj dhunës në stadiume”, tha Platini.
Takimi u ndërpre në minutën e shtatë si pasojë e dhunës, derisa Italia e fitoi ndeshjen në tavolinë.