Anketa e fundit, e cila tregon se qytetarët janë të pakënaqur, porse e mbështesin Qeverinë, në esencë është kontradiktore, thonë analistët. Sipas tyre, fakti që një numër i madh i qytetarëve mendon se vendi nuk lëviz në drejtimin e duhur, tregon qartë se në Maqedoni ka krizë ekonomike dhe ngecje në proceset euroatlantike.
Hulumtimet më të reja të Institutit Republikan Ndërkombëtar (IRI) tregojnë se vetëm 19 për qind e të anketuarve konsiderojnë se vendi shkon në drejtimin e duhur, ndërsa 43 për qind janë deklaruar se Maqedonia lëviz në drejtim të gabuar.
Edhe pse perceptimi i qytetarëve është se ekonomia shënon trende negative dhe se vendi largohet nga Bashkimi Evropian e NATO-ja, pjesa më e madhe e tyre e mbështesin politikën e Qeverisë.
Ambasadori i Bashkimit Evropian në Shkup, Ervan Fuere, duke komentuar rezultatet e fundit të anketës, tha se Qeveria e Maqedonisë duhet të bëjë më shumë përpjekje për integrimin e vendit në BE.
“Mund të them se Maqedonia është shtet kandidat dhe nga Qeveria pres që t'i ndërmarrë hapat që janë adekuatë për një vend kandidat për integrimin e vendit”, tha Fuere.
Analisti i Qendrës maqedonase për edukim evropian, Andreja Stojkovski, tha se rezultatet kontradiktore të anketës tregojnë se në Maqedoni ekziston një konfuzion i madh.
“Qytetarët nuk mund të jenë të pakënaqur, të konsiderojnë se vendi nuk lëviz në drejtimin e vërtetë dhe t'i japin mbështetje atij që drejton vendin. Mendoj se kjo anketë na tregon se sa i hutuar është populli”, u shpreh Stojkovski, duke shtuar se vendi ka arritur deri në një pikë të caktuar sa i përket integrimit dhe tani ka ngelur në këtë pikë.
Stojkovski tha se Maqedonia, nga viti 2005, kur mori statusin e kandidatit, ka humbur 5 vjet në këtë proces, andaj, sipas tij, kjo kohë duhet të kompensohet, në mënyrë që vendi të integrohet në strukturat euroatlantike. Por, për këtë, shtoi ai, duhet administratë e trajnuar dhe lidership i mirë.
Analisti i Qendrës për hulumtimin dhe krijimin e politikave, Bashkim Bakiu, tha se rezultatet e anketës tregojnë se vendi është në krizë ekonomike dhe se nuk shihet perspektivë e mirë.
“Hulumtimet e fundit tregojnë se çdo i treti është i varfër. E gjithë kjo shkakton njëfarë urrejtjeje te qytetarët dhe shumica e tyre konkludon se vendi nuk shkon në drejtimin, në të cilin duhet të shkojë”, tha Bakiu.
Në anketën e IRI-t, 59 për qind e qytetarëve konsiderojnë se Qeveria nuk mund të ballafaqohet me krizën ekonomike, ndërsa 39 për qind thonë se kryeministri meriton rizgjedhje.
Hulumtimet më të reja të Institutit Republikan Ndërkombëtar (IRI) tregojnë se vetëm 19 për qind e të anketuarve konsiderojnë se vendi shkon në drejtimin e duhur, ndërsa 43 për qind janë deklaruar se Maqedonia lëviz në drejtim të gabuar.
Edhe pse perceptimi i qytetarëve është se ekonomia shënon trende negative dhe se vendi largohet nga Bashkimi Evropian e NATO-ja, pjesa më e madhe e tyre e mbështesin politikën e Qeverisë.
Ambasadori i Bashkimit Evropian në Shkup, Ervan Fuere, duke komentuar rezultatet e fundit të anketës, tha se Qeveria e Maqedonisë duhet të bëjë më shumë përpjekje për integrimin e vendit në BE.
“Mund të them se Maqedonia është shtet kandidat dhe nga Qeveria pres që t'i ndërmarrë hapat që janë adekuatë për një vend kandidat për integrimin e vendit”, tha Fuere.
Analisti i Qendrës maqedonase për edukim evropian, Andreja Stojkovski, tha se rezultatet kontradiktore të anketës tregojnë se në Maqedoni ekziston një konfuzion i madh.
“Qytetarët nuk mund të jenë të pakënaqur, të konsiderojnë se vendi nuk lëviz në drejtimin e vërtetë dhe t'i japin mbështetje atij që drejton vendin. Mendoj se kjo anketë na tregon se sa i hutuar është populli”, u shpreh Stojkovski, duke shtuar se vendi ka arritur deri në një pikë të caktuar sa i përket integrimit dhe tani ka ngelur në këtë pikë.
Stojkovski tha se Maqedonia, nga viti 2005, kur mori statusin e kandidatit, ka humbur 5 vjet në këtë proces, andaj, sipas tij, kjo kohë duhet të kompensohet, në mënyrë që vendi të integrohet në strukturat euroatlantike. Por, për këtë, shtoi ai, duhet administratë e trajnuar dhe lidership i mirë.
Analisti i Qendrës për hulumtimin dhe krijimin e politikave, Bashkim Bakiu, tha se rezultatet e anketës tregojnë se vendi është në krizë ekonomike dhe se nuk shihet perspektivë e mirë.
“Hulumtimet e fundit tregojnë se çdo i treti është i varfër. E gjithë kjo shkakton njëfarë urrejtjeje te qytetarët dhe shumica e tyre konkludon se vendi nuk shkon në drejtimin, në të cilin duhet të shkojë”, tha Bakiu.
Në anketën e IRI-t, 59 për qind e qytetarëve konsiderojnë se Qeveria nuk mund të ballafaqohet me krizën ekonomike, ndërsa 39 për qind thonë se kryeministri meriton rizgjedhje.