Shitja e cigareve nëpër rrugët e Prishtinës, për fëmijët ka domethënien e ndihmës për familjen. Por, puna që bëjnë ata, nënkupton shkeljen e të drejtave të tyre dhe është e ndaluar me konventën ndërkombëtare.
Dy vëllezër, njëri 5 dhe tjetri 11 vjeç, kanë dalë në qendër të Prishtinës për të shitur cigare.
“Rri këtu dhe shes cigare”, thotë njëri prej tyre.
Ndërkaq Valoni, 11-vjeçar, thotë se punon për t’i ndihmuar familjes së tij. Por, ai nuk është i vetëdijshëm se puna që bën, nënkupton shkeljen e të drejtave të tij si fëmijë.
“Kam dalë për të shitur cigare, për t’i ndihmuar familjes”, thotë ai.
Behxhet Shala, drejtues i Këshillit për Mbrojtjen e të Drejtave dhe Lirive të Njeriut, thotë se në Kosovë, të drejtat e fëmijëve shkelen në mënyrë flagrante.
“Përkundër të gjitha konventave ndërkombëtare për të drejtat e fëmijëve, shumica që lypin në rrugë, janë fëmijë, si dhe fuqia punëtore në treg, 50 për qind janë fëmijë, të cilët e kanë të ndaluar ta punojnë atë punë”, thekson Shala.
Sipas tij, fëmijët janë të detyruar të lypin para në rrugë, derisa ata që punojnë në treg e bëjnë për shkak të gjendjes së rëndë ekonomike familjare dhe shndërrohen në mbajtës të familjeve.
“Familja nuk ndërmerr veprime që ta kthejë fëmijën në shkollë dhe kjo praktikë të ndërpritet”, thotë Shala.
Ai thotë se askush nuk është duke u angazhuar për mbrojtjen e të drejtave të fëmijëve, për t’ua siguruar një perspektivë dhe zhvillim normal. Sipas zotit Shala, kjo është një dukuri mjaft brengosëse.
Në anën tjetër, zyrtarë në Policinë e Kosovës thonë se, së voni, është hartuar plani për të drejtat e fëmijëve dhe largimin e lëmoshë-kërkuesve nga rruga.
Baki Kelani, zëdhënës i policisë, thotë se në bashkëpunim me institucionet e vendit, policia ka arritur që disa fëmijë, të cilët punonin punë të rënda dhe e kishin ndërprerë mësimin, t’i kthejë në bankat shkollore.
“Policia e Kosovës, së bashku me Ministrinë e Punës dhe Mirëqenies Sociale, ka arritur që të identifikojë fëmijë që kanë dalë në rrugë për të punuar, në mënyrë që të përfitojnë për familjarët e tyre. Policia e Kosovës ka arritur që 3 fëmijë t’i kthejë në shkollë, aty ku edhe e kanë vendin”, thekson Kelani.
Nga të dhënat e autoriteteve të rendit, del se vetëm gjatë këtij viti, janë identifikuar 50 raste të shkeljes së të drejtave të fëmijëve, me angazhimin e tyre në punë fizike.
Ndërsa, sipas zotit Shala, që nga viti 1999 nuk është bërë asnjë hulumtim, qoftë nga institucionet qeveritare, qoftë nga organizatat që merren me mbrojtjen e të drejtave të fëmijëve, lidhur me shkaqet që çojnë drejt shkeljes së të drejtave të fëmijëve.
Ai thotë se Qeveria nuk ka ndonjë strategji, që të paktën të zvogëlojë numrin e fëmijëve që bëjnë punë të detyrueshme, për shkak të ambientit socio-ekonomik në të cilin jetojnë.
Dy vëllezër, njëri 5 dhe tjetri 11 vjeç, kanë dalë në qendër të Prishtinës për të shitur cigare.
“Rri këtu dhe shes cigare”, thotë njëri prej tyre.
Ndërkaq Valoni, 11-vjeçar, thotë se punon për t’i ndihmuar familjes së tij. Por, ai nuk është i vetëdijshëm se puna që bën, nënkupton shkeljen e të drejtave të tij si fëmijë.
“Kam dalë për të shitur cigare, për t’i ndihmuar familjes”, thotë ai.
Behxhet Shala, drejtues i Këshillit për Mbrojtjen e të Drejtave dhe Lirive të Njeriut, thotë se në Kosovë, të drejtat e fëmijëve shkelen në mënyrë flagrante.
“Përkundër të gjitha konventave ndërkombëtare për të drejtat e fëmijëve, shumica që lypin në rrugë, janë fëmijë, si dhe fuqia punëtore në treg, 50 për qind janë fëmijë, të cilët e kanë të ndaluar ta punojnë atë punë”, thekson Shala.
Sipas tij, fëmijët janë të detyruar të lypin para në rrugë, derisa ata që punojnë në treg e bëjnë për shkak të gjendjes së rëndë ekonomike familjare dhe shndërrohen në mbajtës të familjeve.
“Familja nuk ndërmerr veprime që ta kthejë fëmijën në shkollë dhe kjo praktikë të ndërpritet”, thotë Shala.
Ai thotë se askush nuk është duke u angazhuar për mbrojtjen e të drejtave të fëmijëve, për t’ua siguruar një perspektivë dhe zhvillim normal. Sipas zotit Shala, kjo është një dukuri mjaft brengosëse.
Në anën tjetër, zyrtarë në Policinë e Kosovës thonë se, së voni, është hartuar plani për të drejtat e fëmijëve dhe largimin e lëmoshë-kërkuesve nga rruga.
Baki Kelani, zëdhënës i policisë, thotë se në bashkëpunim me institucionet e vendit, policia ka arritur që disa fëmijë, të cilët punonin punë të rënda dhe e kishin ndërprerë mësimin, t’i kthejë në bankat shkollore.
“Policia e Kosovës, së bashku me Ministrinë e Punës dhe Mirëqenies Sociale, ka arritur që të identifikojë fëmijë që kanë dalë në rrugë për të punuar, në mënyrë që të përfitojnë për familjarët e tyre. Policia e Kosovës ka arritur që 3 fëmijë t’i kthejë në shkollë, aty ku edhe e kanë vendin”, thekson Kelani.
Nga të dhënat e autoriteteve të rendit, del se vetëm gjatë këtij viti, janë identifikuar 50 raste të shkeljes së të drejtave të fëmijëve, me angazhimin e tyre në punë fizike.
Ndërsa, sipas zotit Shala, që nga viti 1999 nuk është bërë asnjë hulumtim, qoftë nga institucionet qeveritare, qoftë nga organizatat që merren me mbrojtjen e të drejtave të fëmijëve, lidhur me shkaqet që çojnë drejt shkeljes së të drejtave të fëmijëve.
Ai thotë se Qeveria nuk ka ndonjë strategji, që të paktën të zvogëlojë numrin e fëmijëve që bëjnë punë të detyrueshme, për shkak të ambientit socio-ekonomik në të cilin jetojnë.