Irak: U vranë tre ushtarë amerikanë

Tre ushtarë amerikanë janë vrarë në luftimet në provincën Anbar në Irak. Në njoftimin e ushtrisë së Shteteve të Bashkuara thuhet se ushtarët u vranë dje.

Provinca Anbar ishte bazë e fuqishme e kryengritjes kundër Shteteve të Bashkuara, derisa pjesëtarët sunitë të kësaj lëvizjeje u bënë aleatë të forcave amerikane, në fund të vitit 2006 dhe patën ndihmuar në largimin e al-Kaidës nga ky territor.