Shefi i politikës së jashtme europiane, Havier Solana, përfundoi sot vizitën në Iran me deklaratën se angazhimi i Unionit me regjimin Islamik vendor kontribuon në ruajtjen e stabilitetit në Lindjen e Mesme. Solana tha më tej se ka dallime mes Shteteve të Bashkuara dhe Bashkimit Evropian në qasjen ndaj Iranit, por shtoi ai, ‘Uashingtoni e pranon dialogun Bruksel-Teheran, planet për bashkëpunim me autoritetet iraniane dhe angazhimin e BE-së për mbështetjen e grupeve reformiste në Iran’.
