Misioni i Bashkimit Evropian në Maqedoni ka thënë se nëse zgjedhjet vendore në Maqedoni mbahen sipas rregullativës së vjetër ligjore, atëherë ky vend do të tregojë se nuk ka sukses në implementimin e Marrëveshjes së Ohrit. Zëdhënësja e këtij misioni Sheena Thomson tha se zgjedhjet lokale patjetër duhet të mbahen pas miratimit të ligjeve për decentralizim. Opozita ka kundërshtuar vazhdimisht ligjet e reja për decentralizimin, duke shtyrë miratimin e tyre nga parlamenti.
