Ndërhyrja e policëve dhe prokurorëve, duke konfiskuar materiale filmike, rrezikon lirinë e mediave dhe atë të shprehjes në përgjithësi, ka bërë të ditur sot në Prishtinë Komisioneri i Përkohshëm për Media i OSBE-së, Robert Gillete. Gillete ka theksuar se ka një numër rastesh kur policia dhe prokurorët u kërkojnë stacioneve televizive t'u japin kasetat e lajmeve si dëshmi në hulumtimet penale. Sipas komisionerit për media kjo praktikë paraqet ndërhyrje në punën e mediave dhe se mund të kërcënojë sigurinë e gazetarëve televizivë.
