Kryetarët e grupeve parlamentare të Partisë Socialiste dhe të Partisë Demokeratike në Shqipëri, Gramoz Ruçi dhe Bamir Topi kanë nënshkruar sot një protokol – marrëveshje për formimin e komisionit të Kuvendit për reformën zgjedhore. Nënshkrimi i këtij dokumenti është bërë në prani të përfaqësuesve të Organizatës për siguri dhe bashkëpunim në Evropë. Ky dokument parasheh ndryshime në pikat e kontestuara të kodit zgjedhor që u zbatua në zgjedhjet e kaluara.
