Subjektet politike të Luginës së Preshevës kanë ftuar shqiptarët e këtij rajoni, që edhe kësaj here t’i bojkotojnë zgjedhjet presidenciale të Serbisë që janë parashikuar të mbahen të dielën më 13 qershor. Disa nga drejtuesit e subjekteve politike thonë se Serbinë nuk e njohin si shtetin e tyre. Asnjëri nga kandidatët për president të Serbisë gjatë fushatës zgjedhore nuk është takuar me shqiptarët e këtij rajoni.
