Duke iu përgjigjur disa kritikave të senatorit John Kerry, lidhur me politikat e tij ekonomike, presidenti amerikan, George Bush tha se "kritikët e tij po dëshironin ti ngarkonin familjet amerikane dhe punëtorët me politika të vjetra dhe joefektive ekonomike". Këto komente presidenti Bush i bëri sot në fjalimin e tij javor në radio. Duke mos e përmendur drejtëpërsëdrejti emrin e senatorit Xhon Keri, që praktikitsht ka fituar nominimin demokrat për president amerikan, zoti Bush mëtutje tha se "ata po dëshriojnë të ndërtojnë mure të tregut dhe ta izolojnë Amerikën nga pjesa tjetër e botës". Zoti Kerry shumë herë ka kritikuar presidentin Bush për mbylljen e më se 2.8 milionë vendeve të punës gjatë tri viteve të fundit.
