Ministri i Jashtëm i Italisë, Gianfranco Fini, sot ka qëndruar për një vizitë në Kosovë. Ai është takuar me kryeministrin Bajram Kosumi dhe më pas, i shoqëruar nga komandanti i KFOR-it, gjenerali italian Giuseppe Valotto, e ka vizituar manastirin e Deçanit. Takimi i tij me presidentin Ibrahim Rugova është anuluar për shkaqe shëndetësore, ka thënë Muhamet Hamiti, zëdhënës i Presidentit. Ai ka konfirmuar se presidenti Rugova ndodhet në rezidencën e tij në Velani.
