Një seri sulmesh sot në Bagdad ka lënë të vdekur, të paktën, 22 vetë. Cak i këtyre sulmeve ishin forcat irakiane të sigurisë. Sulmi më i rëndë ishte ai i një vetvrasësi në një qendër rekrutimi të ushtrisë irakiane në Bagdad, si pasojë e të cilit, u vranë të paktën 13 vetë dhe u plagosën 8. Kurse, sulmi i dytë, që la të paktën 8 të vdekur, ishte i drejtuar kundër një autokolone të policisë.
