Presidenti irakian Jalal Talabani të shtunën do ta vizitojë Jordaninë. Kjo do të jetë vizita e parë jashtë vendit e Talabanit, i cili, me mbretin Abdullah do të diskutojë për mposhtjen e kryengritjes anti-amerikane në Irak. Raportet ndërmjet Irakut dhe Jordanisë janë tensionuar pas përfshirjes së dyshuar të një jordanezi në sulmin e shkurtit në Hila, ku qenë vrarë 118 vetë. Njoftohet gjithashtu se Talabanin dhe kryeministrin al-Jaafari, i ka ftuar për vizitë edhe Irani, mirëpo nuk është dhënë ndonjë datë për këtë.
