Dy vetura të UNMIK-ut janë dëmtuar mbrëmë në Prishtinë. Vetura e parkuar në lagjen Taslixhe dyshohet se është djegur pasi është lyer me benzinë, ndërsa vetura tjetër në lagjen Arbëria ka shpëtuar pa u djegur nga pjesëtarët e Shërbimit Policor të Kosovës, njoftoi Refki Morina zëdhënës i SHPK-së. Nuk ka të lënduar e as të arrestuar. Sipas policisë, nuk dihet motivi i këtij akti, sic nuk dihet as nëse ka lidhshmëri ndërmjet rasteve.
