Zëdhënësi i policisë ndërkombëtare në Kosovë, Dimitry Pryakhin tha sot se "janë identifikuar disa të dyshuar" lidhur me shpërthimin e fuqishëm në rrugën ku kaloi konvoji i veturave të presidentit Ibrahim Rugova. Zoti Pryakhin mëtutje ka thënë se policia "po synon ti arrestoj ata". Nga ky incident që ndodhi të martën, zoti Rugova kaloi pa pasoja. Siç raporton mëtutje agjencia DPA nga Prishtina, zëdhënësi Pryakhin nuk ka zbuluar identitetin e të dyshuarve.
