Ministri i jashtëm i Izraelit Silvan Shalon bëri thirrje për shtimin e presionit të Bashkimit Evropian mbi Sirinë dhe Iranin. "Kolegut tim nga Belgjika dhe partnerëve të tij u bëjë thirrje që grupin militant Hesbullah ta vendosin në listën e zezë të Bashkimit Evropian dhe rritjen e presionit ndaj Sirisë dhe Iranit, në mënyrë që t'i japin fund mbështetjes së terrorit" tha Shalon, pas takimit me ministrin e jashtëm të Belgjikës, Karel De Gucht, i cili u angazhua për ndërprerjen e sulmeve ndaj Izraelit. "Është shumë e rëndësishme që Autoriteti Palestinez të marrë masa të menjëhershme për shkatërrimin e infrastrukturës së terroristëve në territoret palestineze" tha De Gucht.
