Presidenti irakian Jalal Talabani tha sot se trupat amerikane do të duhej të qëndronin atje edhe për së paku 3 vjet me qëllim që t'i mundësojnë Bagdadit t'i ngritë forcat e veta të sigurisë. Me te arritur në Francë, ku do të qëndrojë për vizitë disa ditëshe, Talabani tha se vendi i tij nuk ka pasur luftë civile. Ai shtoi se "terroristët ndërkombëtarë" ende i kanë të përqëndruara përpjekjet e tyre në Irak, dhe se vendi ka nevojë për ndihmën e shteteve tjera për t'i mundur terroristët.
