Presidenti ukrainas, Volodymyr Zelensky, ka insistuar në integritetin territorial të vendit të tij përpara bisedimeve me Rusinë në Turqi këtë javë.
Prioritetet e Ukrainës në bisedime do të jenë "sovraniteti dhe integriteti territorial", i tha Zelensky kombit të tij në fjalimin e tij të vonshëm më 27 mars.
Në një telefonatë me presidentin rus, Vladimir Putin, më 27 mars, presidenti turk, Rexhep Tajip Erdogan ra dakord të ishte nikoqir i bisedimeve dhe bëri thirrje për një armëpushim dhe kushte më të mira humanitare, tha zyra e tij.
Inteligjenca ushtarake e Mbretërisë së Bashkuar tha më 28 mars se forcat ruse në Ukrainë nuk kanë bërë ndonjë përparim të rëndësishëm në 24 orët e fundit.
Megjithatë, Rusia ka fituar më shumë terren në jug, në afërsi të Mariupolit, ndërsa po lufton për ta marrë portin , shtoi ai.
Kreu i inteligjencës ushtarake ukrainase, Kyrylo Budanov, akuzoi Rusinë se kërkon të ndajë Ukrainën në dysh, duke bërë krahasimin me Korenë e Veriut dhe atë të Jugut.
Një udhëheqës separatist në Luhansk tha më 27 mars se rajoni mund të organizojë së shpejti një referendum për bashkim me Rusinë.
Zelensky tha se qeveria e tij do të shqyrtonte shpalljen e neutralitetit dhe ofrimin e garancive të sigurisë për Rusinë, duke përsëritur deklaratat e mëparshme.
Kjo do të përfshinte mbajtjen e Ukrainës pa armë bërthamore, tha ai.
- Për t’u informuar rreth zhvillimeve më të fundit lidhur me Ukrainën, ndiqeni blogun tonë.
