Ushtria e Ukrainës ka pranuar se është tërhequr nga pjesë të qytezës kyçe të Çasiv Jarit në rajonin lindor të Donjeckut, përderisa autoritetet thanë se një person u vra nga sulmet në një ndërtesë të gazit në rajonin e Potltavës.
Një zëdhënës i Forcave të Armatosura të Ukrainës konfirmoi pretendimet e mëhershme të Moskës, duke specifikuar se trupat ruse tani kanë nën kontroll qarkun Kanal në Çasiv Jarit.
“Zmbrapsja e mbrojtur është miratuar nga komandanti i ushtrisë”, tha zëdhënësi.
Teknologjia antidron që po evoluon në vijën e frontit në Ukrainë
Dronët e lirë dhe të armatosur e kanë transformuar fushën e betejës në Ukrainë dhe i kanë detyruar ushtritë të provojnë mënyra të shumta të reja kundër kërcënimit vdekjeprurës.
Çasiv Jari ka qenë skenë e luftimeve intensive mes forcave ukrainase dhe atyre ruse që nga muaji prill.
Kjo qytezë shërben si qendër logjistike për forcat ukrainase, të cilat po përballen me pushtimin e nisur nga Rusia në shkurtin e vitit 2022.
