Në Kosovë u raportua të hënën një viktimë nga koronavirusi.
Në raportin ditor të Ministrisë së Shëndetësisë bëhet e ditur edhe për tre raste të reja të të infektuarve.
Rastet e reja pozitive rezultuan pas testimit të 1,298 mostrave.
Në 24-orëshin paraprak, 20 pacientë u konfirmuan si të shëruar.
Aktualisht, raste aktive me koronavirus janë 438.
Fushata e vaksinimit në Kosovë ka nisur në muajin mars.
Deri të hënën janë dhënë mbi 1.5 milion vaksina.
Numri i qytetarëve të vaksinuar plotësisht ka kaluar 703,000.
