Autoritetet në Maqedoni të Veriut kanë shtyrë për 20 shtator gjyqin ndaj shtetasit maqedonas Lupço Palevski – Palço, i akuzuar për vrasjen e 14-vjeçares, Vanja Gjorçevska dhe të 74-vjeçarit, Panço Zhezhovski.
Gjyqi ishte planifikuar të niste më 4 shtator, edhe si arsye për vonesë është përmendur që Gjykata Penale e Shkupit ka vendosur që t’i bëjë bashkë të dyja rastet.
Në total, pesë persona janë të akuzuar për këtë rast.
Fillimisht Palevski ishte arratisur, ndërsa më pas është zënë edhe është ekstraduar prej Turqisë.
Panço Zhezhovski është raportuar si i zhdukur më 24 nëntor të vitit të kaluar, ndërsa Vanja më 27 të të njëjtit muaj.
Ata janë gjendur të vdekur afër Velesit dhe Shkupit më 3 dhjetor 2023.
Sipas Prokurorisë, motivi i kidnapimit të tyre ka qenë shpërblimi, dhe ende nuk dihet pse të dy më pas janë vrarë.
Në mesin e të akuzuarve tjerë është edhe babai i Vanjas, Sasho Gjorçevski, i cili dyshohet se i ka treguar grupit se në çfarë kohe largohet vajza nga shtëpia për të shkuar në shkollë.
Të akuzuarit tjerë janë Vllatko Keshishov, Velebor Manev dhe Bore Videvski.
Ata janë arrestuar më 4 dhjetor të vitit të kaluar, pasi policia ka gjurmuar personat që kanë kidnapuar dhe më pas vrarë Zhezhovskin dhe Gjorçevskan disa ditë më vonë.
Palevski ka qenë president i partisë Desna, figurë shumë e ekspozuar në media, aktiv në politikë dhe “ekspert” pro-rus, por që më së shumti nam ka fituar pas publikimit të disa bisedave të incizuara.
Prej pesë të akuzuarve, vetëm babai i Vanjës është në masën e arrestit shtëpiak.
